Dyn wedi helpu i achub cyd-gyn-filwr ychydig wythnosau ar ôl mynychu arddangosiad cymorth cyntaf St John Ambulance Cymru

Advertisement

Roedd Kelvin Preece, 67 oed, yn mynychu ei glwb cyn-filwyr wythnosol yn Y Fenni pan aeth un o’i gyd-aelodau yn ddifrifol wael. Yn ffodus, roedd y grŵp wedi mynychu arddangosiad cymorth cyntaf yn ddiweddar gydag elusen cymorth cyntaf Cymru, felly roedd y cyn-filwyr yn gwybod beth i’w wneud mewn argyfwng iechyd.

Gwnaeth Kelvin’s ddefnydd da o’i sgiliau cymorth cyntaf pan aeth Dave, 84 oed, yn ddifrifol wael yn ystod cyfarfod Hyb Cymorth Cyn-filwyr Sir Fynwy yn neuadd St John Ambulance Cymru yn Y Fenni.

Pedair wythnos ynghynt, roedd gwirfoddolwr lleol Ambiwlans Sant Ioan Cymru, Rhys, wedi dysgu aelodau’r grŵp sut i asesu claf, darparu CPR a rhoi rhywun yn y sefyllfa adfer.

Dywedodd Kelvin fod Dave yn profi poenau yn rhan uchaf ei frest, a oedd yn symud i’w ên a’i ysgwydd chwith

“Fe wnes i adnabod y symptomau hyn ar unwaith fel trawiad ar y galon, ond doeddwn i ddim yn siŵr,” meddai Kelvin. Roedd croen Dave yn llaith ac roedd yn cael trafferth anadlu, felly ffoniodd Kelvin 999 ar unwaith.

Dilynodd Kelvin gyngor cymorth cyntaf Rhys. Fe wnaeth monitro curiad y galon Dave a dilyn cyfarwyddiadau’r tîm rheoli ambiwlans i roi asbrin. “Un peth a gefais o’n sesiwn cymorth cyntaf oedd y dylai poenau yn y frest bob amser gael eu cymryd o ddifrif” meddai Kelvin.

“Fe wnaethon ni ddilyn ein cyngor cymorth cyntaf trwy ei gadw’n gyfforddus, yn gynnes a chymryd ei guriad yn rheolaidd.”

Aethpwyd â Dave i’r ysbyty mewn ambiwlans a darganfuwyd yn ddiweddarach ei fod yn dioddef o ymlediad yn y galon.

Mae Dave bellach yn cyfnerthu ac er ei fod yn aros am lawdriniaeth, mae’n ôl yn ei glwb Cyn-filwyr gyda Kelvin.

“Mae pobl yn tanamcangyfrif pa mor bwysig yw hyfforddiant cymorth cyntaf,” meddai Kelvin.“Mae wedi rhoi ymdeimlad i bobl yn ein grŵp eu bod yn derbyn gofal gan ei gilydd.”

​Mae Kelvin yn gobeithio archebu mwy o sesiynau cymorth cyntaf gydag Ambiwlans Sant Ioan Cymru ar gyfer y grwpiau cyn-filwyr y mae’n aelod ohonynt yn y Fenni a Chaerffili. Er iddo gael profiad cymorth cyntaf helaeth yn y gorffennol, mae wedi pwysleisio pwysigrwydd adnewyddu’r sgiliau hyn.

“Mae cymorth cyntaf wedi newid cymaint dros y blynyddoedd, felly roedd mynychu’r sesiwn yn hanfodol i’w wneud. Dysgais gymaint ag fe ddaeth ag atgofion yn ôl o hyfforddiant amrywiol arall,” meddai.

Mae Kelvin wedi arfer gofalu am ei gymuned o gyn-filwyr trwy’r hybiau cymorth hyn a gall nawr deimlo’n gyfforddus yn gofalu amdanynt mewn argyfwng cymorth cyntaf hefyd.

Mae grŵp Kelvin bellach wedi archebu Sesiwn Ymwybyddiaeth Diffibriliwr gydag St John Ambulance Cymru fel rhan o ymgyrch Debfibruary yr elusen, i roi mwy o hyder i aelodau sut i ddefnyddio diffibriliwr.

I archebu sesiwn Ymwybyddiaeth Diffibriliwr ar gyfer eich ysgol neu grŵp cymunedol, neu i ddarganfod mwy am yr ymgyrch Defibruary, ewch I www.sjacymru.org.uk/en/page/defibruary.