Bydd plant ysgol gynradd yn croesawu pobl hŷn o’u cymunedau lleol i’r ysgol wrth i brosiect newydd sy’n pontio’r cenedlaethau ddechrau ledled Cymru. Fe’i cefnogir gan Gronfa Dreftadaeth y Loteri Genedlaethol.
Ers ei lansio wyth mlynedd yn ôl, mae Elusen Golden Oldies wedi dod â chaneuon a gwenau i bobl hŷn ac ynysig ar draws De Cymru. Caiff y sesiynau hyn eu cynnal mewn llyfrgelloedd, ystafelloedd cymunedol a neuaddau eglwys ac mae bellach dros 60 sesiwn a gaiff eu harwain gan arweinwyr llawrydd ymroddedig.
Cafodd yr elusen hefyd lwyddiant sylweddol gyda rhaglenni cysylltiedig ag ysgolion cynradd, gan ennill y Categori Addysg pwysig yng Ngwobrau’r Loteri Genedlaethol 2018 a gyflwynwyd gan Katherine Jenkins.
Daeth 60 o blant o Ysgol Gynradd Rhiwbeina ynghyd â 30 o bobl hŷn sy’n mynychu sesiwn Goldies Rhiwbeina ynghyd mewn ysgol i lansio’r prosiect newydd yn ddiweddar.
Mae’r elusen wedi cynhyrchu canllawiau i’r prosiect, yn Gymraeg a Saesneg, sydd ar gael ar gyfer athrawon ysgol a hoffai wybod mwy. Dylai hyn, a phob ymholiad yn ymwneud ag ef, fynd at Cheryl Davies, Arweinydd Rhaglen Goldies Cymru, neu ffonio 07860 944410.
Help keep news FREE for our readers
Supporting your local community newspaper/online news outlet is crucial now more than ever. If you believe in independent journalism, then consider making a valuable contribution by making a one-time or monthly donation. We operate in rural areas where providing unbiased news can be challenging. Read More About Supporting The South Wales Chronicle
